Elephas maximus [ spec. nov.]

Elephas. Raj. quadr. 123. Syst. nat. 11. Seb. mus. 1. t. 111. f. 1.

Elephantus. Gesn. qvadr. 377. Aldr. quadr. l. 1. c. 9. Jonst. quadr. 30. t. 78. f. 9.

Habitat in Zeylonae paludosis ad Amnes, edit Ramos, Cocos, Guilandinae semina, Frumentum.

Maximum quadrupes. Oculi parvi. Dentes Laniarii superiores exserti (Ebur). Aures amplissimae, pendulae, dentatae; act. angl. 277. p. 1051. Cutis crassissima, callosa. Mammae 2 juxta pectus. Ungues in apicibus loborum pedum. Genua flexilia. Collum breve.

Proboscis longissima, extensilis, acute odorans, loco manus ipsi inserviens; ea cibum potumque haurit, hostemque pellit; ea praecisa occiditur; murem metuit sub somno ob tracheae insertionem. Retro coit & mingit. Portat domos, rectore collo insidente; in bello armatur falcibus; vulnusculo inter axin & atlantem furiosus occiditur; caeterum prudens, docilis.

Paxwax, Ligamentum album, ad Caput elevandum & Collum sustinendum, commune est quadrupedibus; at deest Homini & Simiis, cum erecti plerumque sedeant & incedant, nec eo indigeant. Rajus.