Lacerta plica [ spec. nov.]

L . cauda tereti longa, occipite calloso, palpebris supra excoriatis, collo lateribus verrucoso subtus plicato.

Habitat in Indiis.

Corpus praeter caudam vix digito majus, in meo specimine, tectum undique squamis conicis (velut Chagrin). Occiput callosum & Supercilia subcrenata, supra excoriata cicatrice membranacea transverse in 3 partes sulco distincta. Pone aures ad latera capitis & colli verrucae 2, muricatae. Collum subtus duplici plica. Dorsi sutura majoribus squamis antice quasi crenata. Ruga elevata a collo supra brachia excurrit utrinque & in medio trunci deflectitur. Cauda teres, tecta squamis minutissimis; vix manifeste verticillata, corpore duplo longior. Digiti longi, subtus squamis acutioribus scabri; ungues compressi.