Mus terrestris [ spec. nov.]

M. cauda mediocri subpilosa, palmis subtetradactylis, plantis pentadactylis, auriculis vellere brevioribus.

Mus cauda longissima pilosa, auribus subrotundis vellere brevioribus. Fn. svec. 29. Syst. nat. 10. n. 5.

Mus agrestis, capite grandi, brachiuros. Raj. quadr. 218.

Habitat in Europae terra & aqua.

Corpus fuscum subtus pallidum, at non albicans. Caput crassius, ore gibbo. Cauda magis pilosa, quam in Ratto, sed corpore dimidio brevior, a pedibus fere longior.

Hortos Talpae instar misere effodit palmis licet parvis; natat in fossis & urinatur plantis licet fissis; Radices arborum decorticat, plantarum consumit s. aufert; Pullos anatum in piscinis occidit.