Seseli pyrenaeum, spec. nov.

9. Seseli foliis duplicato-pinnatis; foliolis incisis acutis, involucris setaceis umbellula longioribus.

Carvi alpinum. Bauh. pin. 158. prodr. 84. Burs. VIII:36.

Habitat in Pyrenaeis.

Caulis pedalis, teres, striatus. Folia radicalia duplicato-pinnata, laxa, parum divaricata: Foliolis pinnatis, longitudi-naliter incisis, acuminatis, cuneiformibus; Folium in caule saepe unicum, ex cujus ala exit ramus; petioli radicales simplices; caulinus lato-membranacaeus. Umbella universalis nuda, oblonga, pedunculis circiter octo; partialis conferta, brevissima, uniformis: involucro polyphyllo, setaceo, longiore umbellulis.