Aralia chinensis, spec. nov.

2. Aralia caule petiolisque aculeatis, foliolis inermibus villosis.

Habitat in China. Osbeck.

Caulis simplex, aculeis spinosissimus, nudus, in summitate tantum foliosus. Petioli compositi, tripartiti, aculeati, villosi. Folia partialia pinnata & insuper foliola 2 ad ramificationes petioli. Foliola s. pinnae ovatae, serratae, subtus praesertim villosae, duplo majores, quam in praecedente. Panicula ramosa umbellulis numerosis. Differt itaque a praecedenti, quod nulli aculei in foliolis per discum secundum venas adspersi; quod folia non glabra sed duplo majora. Habitus etjam diversus.