Dianthus alpinus, spec. nov.

11. Dianthus caule unifloro, corollis crenatis, squamis calycinis exterioribus tubum aequantibus, foliis linearibus obtusis.

Caryophyllus pumilus latifolius. Bauh. pin. 209. prodr. 104. Burs. XI. 95.

Caryophyllus sylvestris, flore magno inodoro hirsuto. Bauh. pin. 209.

Caryophyllus sylvestris 2. Clus. hist. 1. p. 283. f. 1. bon.

Habitat in Stiria, Austria. ♃

Radix lignosa, exserens caules plures. Caulis longitudine digiti, articulis tribus constans. Folia caulis linearia, obtusiuscula, plana, obtusa, vel versus terram, ubi cespites constituunt, lanceolato-linearia. Calycis squamae exteriores longitudine tubi calycis; interiores dimidio breviores. Corolla magna. Petala calycis longitudine, rotundata, dentibus brevissimis numerosis crenata, fauce parum villosa.