Euphorbia pilosa, spec. nov.

45. Euphorbia umbella quinquefida: trifida: bifida, involucris ovatis, petalis integris, foliis lanceolatis subpilosis apice serrulatis.

Euphorbia foliis alternis ex ovali-lanceolatis, umbellis diphyllis subtrifloris, capsulis erectis muricatis, caule simplici. Gmel. sib. 2. p.226. t.93.

Tithymalus palustris villosus mollior erectus. Barr. rar. 41. t.885.

Citation checked: Barrelieri has 334 plates with 1327 numbered illustrations.

Tithymalus inermis hirsutus. Bauh. pin. 292? prodr. 135? Magn. monsp. 255.

Habitat in Sibiria. ♃

Habitus exacte E. palustris, ut facile pro eadem sumeretur, eodemque tempore floret, paulo tamen major. Folia lato-lanceolata, alterna, utrinque vix manifeste pilosa, apice ita tenuissime serrata, ut vix observentur serraturae. Umbellae cum umbellulis lateralibus ita coacervatae, ut primariae difficilius eruatur, luteae petalis & involucris. Flores primarii masculi pentapetali; reliqui hermaphroditi tetrapetali: petalis transverse ovalibus. Fructus verrucosi & pilis albis subtilissimis adspersi. Rami steriles ex alis foliorum inferiorum, ut ex summis alis pedunculi umbelluliferi.