Anemone thalictroides, spec. nov.

21. Anemone foliis caulinis simplicibus verticillatis, radicalibus duplicato ternatis.

Ranunculus nemorosus, aquilegiae foliis, virginianus, asphodeli radice. Pluk. alm. 310. t.106. f.4.

β. Thalictrum caule unifloro, ex eodem puncto foliis quatuor simplicibus instructo. Gron. virg.62.

Habitat in Virginia, Canada.

Canadensis plantae α, a D. Kalmio lectae, Radix tuberosa. Folia radicalia petiolis longis, duplicato-ternata: foliolis subcordatis, angulatis. Scapus foliis paulo altior, terminatus foliis quatuor simplicibus, foliolis radicalibus similibus, petiolis longis insidentibus. Pedunculi terminales, conferti s. fasciculati 1, 2, 3. s.5, simplices, uniflori, aequales. Corollae albae: petalis ovatis, obtusis, patentibus. Stamina flavescentia. Pistilli capitulum ovatum, muricatum.