Andromeda calyculata, spec. nov.

9. Andromeda racemis secundis foliaceis, corollis subcylindricis, floribus alternis lanceolatis obtusis punctatis.

Cistus Ledon s. Andromeda, floribus monopetalis parvis albis tubulosis spicatim in summis ramulis dispositis, foliis & facie vitis idaeae, capsula minima sicca quinquepartita. Gron. virg. 21.?

ChamaeDaphne. Buxb. act. 1. p. 241. t. 8. f. 1.

Habitat in Virginia, Canada, Sibiria. ♄

Frutex foliis ovali-lanceolatis, coriaceis, myricae consistentia, obtusis, margine recurvis, adspersis punctis vix conspicuis, callosis, ab utraque parte. Racemi ex ramis propriis, foliolis ovalibus alternis, in quorum ala Flos solitarius, pedicellatus. Calyx a basi tegitur duobus foliolis ovatis. Flores ad unum latus nutant. Stamina 10, antheris oblongis.