Justicia purpurea, spec. nov.

11. Justicia foliis ovatis utrinque mucronatis integerrimis glabris, caule geniculato, spicis secundis.

Habitat in China. Osbeck.

Caulis herbaceus, brachiatus. Folia lato-ovata, apice & basi mucronata, glabra, petiolata, integerrima. Articuli caulis & rami supra basin Geniculo tumido, quod supra angustius evadit, notantur. Spicae ad latera & apices ramorum, secundae. Bracteae angustae, lanceolatae, longitudine capsularum. Corollae purpureae: labiis erectis; altero lineari angustissimo; altero lato trilobo. Stamina duo purpurea, longitudine corollae.