Allium angulosum, spec. nov.

22. Allium scapo nudo ancipiti, foliis linearibus canaliculatis subtus subangulatis, umbella fastigiata. Hort. ups. 79. *

Cepa scapo nudo subangulato farcto, foliis linearibus subtus angulosis, staminibus corolla brevioribus. Gmel. sibir.1. p.58. t.14. f.2.

Allium radice senescente lignosa transversa, umbella erecta. Hall. all. 16.

Allium petraeum umbelliferum. Bauh. hist. 2. p. 564. t. 564.

Allium montanum, foliis narcissi, minus. Bauh. pin. 75.

Habitat in Sibiriae humidiusculis.

Folia interdum subtus vix angulata, at Scapus superne parum angulato-striatus; Petala interiora apice patentia, omnia lateribus conniventia.

Confer Allium sylvestre s. Moly minus, violaceo amplo flore. Magn. monsp.