Iberoformica subrufa (Roger, 1859)

García, Fede García, 2018, Dez especies de formigas (Hymenoptera: Formicidae) novas para Galicia (NO Península Ibérica)., Arquivos Entomolóxicos 19, pp. 217-224 : 218

Iberoformica subrufa (Roger, 1859)

Endemismo ibérico amplamente distribuído por grande parte de Iberia. No cuadrante noroeste peninsular faise máis escasa, sendo as citas na provincia de León poucas e illadas ( Tizado Morales, 1991), como xa comentara Tinaut (1989), que siṫa a área de distribución de I. subrufa máis ao sur, pero deixando que puidera haber poboacións máis ou menos illadas en áreas de clima mediterráneo. Habita en zonas abertas ou beiras de bosques, sendo unha especie termófila e de movementos rápidos.

As formigas máis semellantes son as do xénero Formica Linnaeus, 1758 , ao que pertenceu a especie que tratamos ata hai poucos anos ( Muñoz-López et al., 2012), das que pode diferenciarse polo pecíolo nodiforme en vez de escuamiforme, e polas numerosas quetas que cobren todo o corpo ( Fig. 3 ).

Material estudado: Montefurado, Quiroga (Lugo). 3-V-2018. 280 M. 42º23’15”N 7º12’16”O. BeirA de estrada, con matos mediterráneos, lavandas e aciñeiras.

Figures

Fig. 3.- Obreira de Iberoformica subrufa, vista lateral.