Goniomma hispanicum (André, 1883)

García, Fede García, 2018, Dez especies de formigas (Hymenoptera: Formicidae) novas para Galicia (NO Península Ibérica)., Arquivos Entomolóxicos 19, pp. 217-224 : 218

Goniomma hispanicum (André, 1883)

Son formigas granívoras de pequeno tamaño e costumes discretos, con ollos característicos en forma de bágoa invertida ( Fig. 1 ). Polos ollos é posible diferenciala da outra especie do xénero citada para Galicia, Goniomma kugleri Espadaler, 1986 ( Espadaler, 1986), pertencente a outro grupo de especies. En G. hispanicum os ollos non se achegan tanto á beira do perfil inferior da cabeza coma si é en G. kugleri ( Fig. 2 ).

Esta especie coñécese de numerosas localidades ibéricas ( Espadaler, 1981), aínda que no norte faise máis rara. A cita galega está dentro dalgunha das áreas de distribución estimadas para o xénero por Collar et al. (2016).

Material estudado: Montefurado, Quiroga (Lugo). 3-V-2018. 280 M. 42º23’15”N 7º12’16”O. CAMiño entre prados. Non se atopou ninġn niño, só obreiras illadas.

Figures

Fig. 1.- Obreira de Goniomma hispanicum, vista lateral.

Fig. 2.- Ollos de Goniomma en vista lateral. a.- G. kugleri. b.- G. hispanicum.