Myrmica karavajevi (Arnoldi, 1930)

García, Fede García, 2018, Dez especies de formigas (Hymenoptera: Formicidae) novas para Galicia (NO Península Ibérica)., Arquivos Entomolóxicos 19, pp. 217-224 : 218-219

Myrmica karavajevi (Arnoldi, 1930)

Parasita social inquilina en niños de diversas especies de Myrmica Latreille, 1804 do grupo scabrinodis sensu Radchenko & Elmes (2010), e que está amplamente distribuída por Eurasia, sen ser abundante en ningures. Na Península Ibérica coñécese de Euskadi ( Espadaler et al., 2004).

Dentro das Myrmica parasitas, pertence ao grupo das de pequeno tamaño, equivalente ao das obreiras hospedeiras. A outra especie ibérica semellante é Myrmica lemasnei Bernard, 1967 , dos Pireneos, da que se diferencia pola pilosidade máis curta e menos densa no gáster ( Fig. 4 ) e pola ausencia de reticulación no dorso do pospecíolo ( Fig. 5 ) ( Radchenko & Elmes, 2010). Hai outra parasita do mesmo xénero en Galicia, Myrmica bibikoffi Kutter, 1963 , citada do concello de Vigo por García et al. (2008), pero é de tamaño maior, coma unha raíña de Myrmica de vida libre.

Material estudado: Penedos, Abadín (Lugo). 24-IV-2018. 720 M. 43º26’45”N 7º30’37”O. Entre estrada e prado ḣmido. Baixo pedra, en niño de Myrmica aloba Forel, 1909 . Catro raíñas. Non se escavou o niño, polo que o ṅmero total de raíñas parasitas presentes descoñécese. M. aloba é un novo hospedeiro que pertence ao grupo scabrinodis sensu Radchenko & Elmes (2010), como as demáis especies de Myrmica parasitadas por M. karavajevi . As M. karavajevi e algunhas obreiras de M. aloba estaban infestadas con Hormiscium myrmecophilum Thaxter, 1914 ( Fig. 6 ), un fungo parasito xa citado por Espadaler & Santamaría (2012) en Myrmica sp. no norte de Portugal e en Myrmica sabuleti Meinert, 1861 en Galicia.

Figures

Fig. 4.- Raíña de Myrmica karavajevi, vista lateral.

Fig. 5.- Raíña de M. karavajevi, pecíolo e pospecíolo, vista dorsal.

Fig. 6.- Talos de Hormiscium (*) no gáster de raíña de M. karavajevi.